يمه

يمّه الجواب نفس السؤال

بس الحروف مربعة

ويمّه الوطن تابوت عمودي والبراغي مخلعة

والحب .. خدعة .. والحبيبة بالخداع مبدعة

طنش تعش وستنتعش

وانسى ال(قِفا) وال (أدمعا)

لما قلبك

لما قلبك يبقى أقسى ..

من جلاميد الحجر

ولما يبقى الكذْب عندك ..

مثْل زخات المطر

ولما توقع كل اوراق الأجندة ..

(يعني رزنامة حياتي) ..

مثل أوراق الشجر

شيء طبيعي ..

انو كل الحب يتحول لدودة ..

مقرفة بتاكل حشاشات البشر

لسه بدري

لسّه بدري، يا ملاك الموت، مجيّك، لسّه بدري

لسّه كام ضحكة شقاوة مخبّية جوّات صدري

ولسّه في بعض الصّبايا لما بتشوفني بتتلبّك وتجري

إنت مستعجل ع شو يا الموت ترا ما يزيد أبد عمرك بعمري

عند الكرامة

هوه صحيح انه العمر يا صاحبي مش بعزقة

وبرضو صحيح انه العباية موصلة ومرقعة

وانو الفلافل والخبز صاروا حلم ..

ليلة بنحلم بيه وبيهرب وراها اربعة

لكن ي باشا إوعى تنسى انه بعض الناس

عند الكرامة تدوس أتخنها شنب واللي معا

نواب نوايب

نواب نوايب .. والوزارة حاملة للاوزار

ولولا الشعب ع المسطرة .. ما صار يللي صار

ربك بيغير بس للي تغيروا ..

سبحانه ربي الواحد القهار

نذرن عليي

اللي معك واللي معي

ع النص قاسمناه

والبسمة والضحكات

واللي بتتمناه

يا رب خليلي الحبيب

واجعلني في يمناه

ونذرن عليي لطوف

حوله سبعمية