قال المثل

ما اسْمِعْتْ شو قال المثل يا خال؟

مش كل من ركب الخيول خيّال

ومش كل من في المختبر قالوا ذكر .. رِجّال

بين الذكورة والرجولة وديان وِجْبال

اللي انكتب ع اللوح

اللّي انكتب ع اللّوح

لا بدّْ يوم يْصير

واللي في صدري روح

لا بدّْ يوم تْطير

مَدْري لَمِيت البوح

مرمي بقاع البير

ومدري طيور الدّوح

بتغنّي أو بتنوح

ومدري أنا المذبوح

سجّان ولّا أسير

روايات

في حب بس مش حب

واشيا كتيرة حب

يحرق حريش القلب

شو بكتب روايات

خائفون

معظم الناس لا يحققون أهدافهم ليس لأنهم عاجزون وإنما لأنهم خائفون من العجز

كله رايح

انا مش بقول انّ الحياة حلوة وآخر انسجام

واعرف كمان انّ الحلاوة بتنتهي بطعم المرارة .. والدّمِع متخبّي خلف الابتسام

لكن ي صاحبي اوعى تنسى انّ عمرك هوّ عمرك .. والحلال ابن الحرام

اضحك وعيش ..

واكسر قوانين المرور ..

واكتب بلا تزويق وخربش .. كلّه يا صاحبي ح يتمدّد ف جورة .. إللّي قضّى الدّنيا صاحي واللّي قضّاها منام

أصلا عادي

أصلا عادي ..

مش اوّل مرّة بينهان الأردنّي في نصّ بلادي

ويتكرّم مرّاق الوادي

ي نسور

ي نسور ليش السكوت

والأردن بينهان

ي نسور والله الوطن

أغلى من العربان

واللي الكرامة معه

أغنى من اسليمان

وينك ي وصفي الشهيد

ترفع علم عمّان

درة بجبين العرب

من شرقها لتطوان

خدك ي أردن

خدك ي أردن ما انخلق

ت يهينه ظيف الدار

اللي نسي شلون الظيوف

إبتحفظ المقدار

ولكو وإذا الأردن فقير

أُو إنتم الدولار؟

الأردن سراج الظيا

وِنتو عليه شحبار

مخنوق

شبابيك الهوا انسدّت

م تسألنيش لويش مخنوق

ي تفتحها .. ي أكسرها

ولا تعتب على محروق

إذا صيّح ودبّ الصّوت

وطفّى ناره للمعشوق

ولك حتّى الذّهب يرخص

إذا ما ظلّْ هوى في السوق

ليش القلق

قالتلي إمي زمان

في غابر الأيام:

”يا إمي ليش القلق

والرب ما بينام

وبيتِ السَّبِعْ يا ميمتي

ما يخلا من لِعْظامْ“

خليني متفائل

حتى ولو كزبة

خليني متْفائل

ما بدي تعطوني

رتبة ولد عاقل

خليني متوهم

إنها بدباديبي

بتموت وب تحيا

بتقرا مكاتيبي

شو يعني راح يفرق

ترتيب هاد الكون

لو كنت انا العاقل

او كنت انا المجنون!