ما بدي هذا الحب

لو مرة بالصدفة التقينا بشي زمان وشي مكان.

أو مرة شفتيني على الطرقات بفتش عن عيونك والحنان.

إتجاهليني وابعدي عني عيونك .. غيري دربك كمان.

ما بدي هذا الحب يجمعنا سوى ..

بيكفي عذاب وذل وحرمان وهوان.

مش ضروري

مش ضروري ف آخر المشوار نودع ..

بعض للذكرى بصورة وابتسام.

مش ضروري ندعي إنه (صداقة وبس) أحسن ..

من علاقات الغرام.

مش ضروري الناس يشوفونا بنضحك

أو بآخر إنسجام.

أو تودي في الرسايل

كل ألفاظ المجاملة وتتعبي نفسك في تنميق الكلام.

مستحيل الحب يتحول لشي تاني وحرام.

صدقيني

يا بعيش الحب للآخر .. يا إما ..

نقرا ع الدنيا السلام.

لإنك حبيبي

لإنك حبيبي وقلبك في قلبي

وصوتك بخليني دايما ألبي

لإنك في بعدك كإنك في قربي

ولإني بطبعي بداري وبخبي

لإنك حياتي ولإني حياتك

ورغم البلاوي بحبك لذاتك

ولإنه ظروفي بتشبه ظروفك

ولإنه حروفي بتشبه حروفك

ببعد وبهرب وما بدي اشوفك