بإيدك تدخليني النار أو الجنة
بإصبع إيدك يأشر تعا عنا
بكلمة أيوه ع الموبايل
تقوليها بنص رنة
بزهرة تقول تعا خدني
وحنيني بلا حنة
بإيدك تشعليني نار
أو اطفيني وتهدي
بكلماتك وبسماتك
بسكتاتك وغضباتك
بتبنيني وبتهدي
بلحظة تكشفي أسرار
ولحظة تقولي ما بدي
نطرتك تخلص الأمطار
ت نطلع مع سوا مشوار
ونبعد عن عيون الناس
وأعزفلك على الأوتار
وغنيلك غناني حب
ونكتب مع سوا أشعار
ولما صرنا فوق الغيم
وقربنا نصل عشتار
دفعتيني بعيد عنك
وصرختيلي يا للعار
مش مربى وبلا أخلاق
وشرشحتيني ع اللي صار
سقالله لما كنا احباب
همستيلي: أنا حدك
وأنفاسك على خدي
وأنفاسي على خدك
ووشوشتيني: زيحلي
أنا ف عرضك
سقالله لما كنا احباب
سقاالله لما كنا احباب
وجيتيني بنص الليل
همستيلي: أنا بردانة دفيني
ووشوشتيني: حلفتك بنجم سهيل
تغمرني وتغطيني
سقالله لما كنا احباب
سقالله لما كنا احباب
