الحب مش إذلال
للست والرجال
مش بهدلة وتدمير
ووقفة على الأطلال
مش قائمة ممنوع
وتربيط بالأغلال
مش شك واستجواب
ع الطلعة والنزلة
ومش إنت ما خصك
حرة أنا وعقلي
الحب إعطاء وبذل
من غير ما يطلب
ع البعد لو صابه وجع
إنتي الدوا والطب
بالحب بتصيري العقل
وبتصيري إنتي القلب
بالحب بتصيري الأهل
وهوي الأخو والأب
بالحب بتصيري الطريق
والبيت والمكتب
بالحب بتصيري الوطن
والأمة والمذهب
بتصيري كل الناس
اللي على الكوكب
