نفترض عن جد إنه كل ما بينا أخوة أو (صداقة)
وإنه إيدك مش غريب تلمسلي إيدي في براءة
ونفترض إنه البرودة وبس خلتني أشدك بلكي تدفي
ونفترض برضه بإنه شي طبيعي لما تغفي
تستريح إيدك في حضني ويستريح راسك ع كتفي
ونفترض بالصدفة بس تلامست شفة بشفة
لشو لو مرة شفتي عيوني بتبصبص ع تنورة قصيرة شوي
أو ع بلوزة مبلولة ع نبع المي
(جأرتيني) بنظراتك وقلتي خي
إذا عن جد أنا وإنتي مجرد صحبة مش أكتر
لشو كل يوم كذا مرة بترسميلي على الدفتر
قلب وسطه سهم باسمي ونقطة دم بتشرشر
ولشو كل يوم كذا مرة بتاخدي رأيي في كسمك
(نصحت) شوي عن مبارح ولا فيي أتغندر؟
