بتاع كله

- إنت بتشتغل إيه ياض؟

- أنا بتاع كله يا سعادة البيه

- يعني إيه بتاع كله؟ عندي جنينة عاوزة تعشيب. تقدر؟

- شغلتي يا بيه

- وعندي سور العمارة بده قصارة وطراشة

- ولا يهمك يا بيه. لو ما عجبتكش ما تدفعشي ولا مليم

- وعندي كمان مشروع عاوز دراسة جدوى اقتصادية

- احنا بتوع الدراسات كلها يا بيه

- معقولة؟ طيب المدام عيانة والدكاترة ما عرفوش السبب لغاية دلوقت

- دول ما بيفهموش حاجة يا بيه. تلت تيام بس وحتقوم زي الحصان