وبستنّاك بقالي سنين
وكلّ الدّنيا فايتاني
وكلّ ماتخلص الغنوة
تمللّي أعيدها من تاني
وخايفة أنام .. تدقّ الباب
وما اسمعهوش
تقوم رايح وتنساني
وخايفة تجيني تلقاني
على وشّي خطوط العمر
وع العلاّقة فستاني
وخايفة تكون في عزّ الفرْح
وانا غارقة بأحزاني
وأنسى أبوسك وتنسى
حناني ودفء أحضاني
وخايفة تكون نسيتني زمااااااان
واكون في الحلم دفيانة
ولما اصحى الاقيني
ماليش غير برد حرماني
ولاقي الأوضة مليانة
قزايز بيرة فضيانة ..
وْ هوايا هوّ دخّاني
