يمكن أنا فهمتك غلط؟
بسمة وغمزة عين ما بتقبل غلط!
طب لما قلتيلي بكفي من بعيد المرحبا
إيدك غريبة يا إلهي شو بإيدك كهربا
معقول أنا فهمتك غلط؟
مين اللي ودتني ع مسبح في خيالي وفي خيالها مختلط
واستعرضت قدامي كل اسرارها
وما وقفت .. حتى بعد ما لاحظت .. دمي بيغلي نار والعقد انفرط؟
معقول أنا فهمتك غلط؟
مين اللي فرجتني جميع العابها
اللي انكسر
واللي انجبر
واللي ضحك منه القدر؟
طيب أنا فهمتك غلط
والناس يللي تعودوا ع المطرح الفاضي لتيجي أو لآجي فهموها غلط؟
وفتاحة الفنجان لما بحلقت ساعة كمان فهمت غلط؟
واللي حفر إسمك وإسمي ع الخشب .. عقله انخبط؟
طيب يا ستي آمنت
مين اللي شافتني نشف ريقي أنا
شفقت عليي وزرقتلي شوي من ريقها الحلو ولعابها؟
إعطيني واحد بس في الدنيا بيفهمها غلط!
