بالزمانات ..
كنت قاعد في ساحة اتحاد الطلبة في بغداد ، وشايف الديك أرنب من الطفر .. واللي في جيبي ما بيكفي ثمن استكانة شاي ..
وفجأة نزل من السماء ملاك .. آه والله ملاك .. وقال: شباب مين بيحب يمثل كومبارس في مسلسل تلفزيوني تاريخي وبنعطيه خمس دنانير ع المشهد؟
طبعاً رحت .. ومثلت مشهدين .. وروّحت بعشر دنانير
والعشر دنانير أيامها كانت بتصرف ع الشب عشر أيام
المهم .. العشر دنانير راحوا بيومين أو ثلاث .. بتعرفوا .. أيامها كنا شباب .. والشباب يعني ضحك ,, ولعب .. وجد .. وحب
ورجعت أسترق النظرات إلى الشباب يشربون الشاي بالاستكانات .. وأشوف الديك أرنب .. وأنتظر هبوط ملاك من السماء
