آباء آخر زمن!

صارلي فترة ما شفت هنادي .. فجأة وجدتها تفتح باب غرفتي ..

- بابا .. انا زعلانة منك

- ليش؟

- صارلك فترة (مطقعلي)!

- أنا؟

- آه إنت .. مطنشني ع الفيس وع الموبايل!

طبعا أنكرت ..: يا بابا والله تعب .. وضغط عمل .. الخ

بعد أن ذهبت هنادي إلى الغرفة الأخرى لتأكل حصتها وحصة ديانا من الكوسا المحشي وورق العنب .. بحبشت في الإنبوكس تبع الفيسبوك:

رسالة في 17 سبتمبر: بابااااااااااااااااااااااااااااا

(انا مش هون)

رسالة أخرى في 27 سبتمبر: عندما اقرأ كتاباتك اشعر بالفخر .. الأمل .. والقوة ..

مساك ورد

(انا مش هون)

وفي الإنبوكس تبع الموبايل:

رسالة في 1 اكتوبر: بحبك

(انا مش هون)

آسف يا بنتي .. (شكلي) عن جد كنت مطقعلك ..

آباء آخر زمن!