جاي يما

الله يمسيكي بالخير يا إمي ..

بعرف إنك زعلانة مني كثير .. وما بلومك يا إمي .. صارلي زمااااااان ما زرتك .. ما عشبت الترابات اللي على قبرك .. ما صبيت قزازة المي على طول القبر .. وما قريتلك ياسين وقصار السور ..

من زمااان يا إمي ما شكيتلك همي

ومن زمان ما روحت وصوتك كأنو بذاني: روح يا إمي الله يفرج همك ويشرح لك صدرك ويعطيك تا يرضيك ..

هانت يما .. قربت وحياة عيونك .. جهزيلي يما كل اللي عارفتيني بحبه وعندكم منه ..

جاي يما قريب

جاي يما