- مساء الخير
- أهلا! مساء النور
- كيف الحال؟
- تمام. الحمد لله. كيف حالك أنت؟
- الحمد لله. ماشي الحال. داحلة. صحيح، كل عام وأنت بخير
- كلك ذوق يا صديقي. وأنت كمان كل عام وأنت بخير
- يا الهي شو انا واياك متشابهين. حتى تاريخ ميلادنا نفسه
- نعم
- أكيد أنت مثلي ما راح يسأل عنك حدا. اللي نسي واللي تناسى واللي ما كلف نفسه أصلا عناء السؤال
- نعم. راح يكون يوم عادي ويمر مثله مثل كل الأيام. لا عزومة ولا هدية ولا حتى رنة تلفون
- إسمع. شو رأيك نحتفل سوا؟ بنجيب كعكة وكم شمعة وقنينة بيبسي. وبنغني لبعض هابي بيرثدي تو يو؟
- والله فكرة!
- المشكلة إنا تركنا السجائر وما بنتعاطى المشاريب، وإلا كنا عمرناها للصبح
- لا. أعوذ بالله. مستحيل طبعا
- مش تنشغل مع حبيبتك وتنسى الموعد؟
- ..
- مش يوخدوك صحابك سهرة من العمر وينسوك اياني؟
- يا زلمة وحد الله. هم وين الأصحاب؟
- غريب والله. عاد إنتا دايما بتسأل عليهم وبتوديلهم مسيجات بمناسبة وبدون مناسبة!
- خليها على الله. الناس بهمها عمرك مش تاريخ ميلادك، وبهمها شكلك وقديش معك مش افكارك ومشاعرك.
- وبلكي أنا وياك طلعنا هيك مشوار شمة هوا بالسيارة إذا الجو كان حلو
- والله مش غلط. أحسن من قعدة البيت
- والا اقولك؟ شو رأيك أجيب معي الدفتر اللي بخربش عليه اقرالك منه كم شغلة؟
- لأ دخيلك مش ناقصنا نكد!
- لا تنسى! سلام
- أهلين. هلا. سلام. الله معك
