روح انخمد

روح انخمد، وانتشبّ ..

ما ظلّش حدا يقرا ورق

واللي بزماناته قرا ..

مسجون أو مرتدّ ..

والحلم انحرق

شو ظلّ فيها ..

(يعني في الدّنيا) ..

أمان

لمّا الأبو يوخذ تراتشي الإمّ ..

ينتشها نَتِش

واحد ورا الثّاني ..

ويبيع الحلق؟

فيد العروس ..

(ستّ الحسن) ..

كانت مصاري مجمّعة بالهمّ ..

وشويّة مصاري ملغمطة بالدمّ ..

ودموع وقلق

كانت: نقوط الإمّ ..

بدل دفتر ..

بدل لفّة فلافل ..

أو قلم

أو كندرة جديدة ..

ما كانت عرق

روح انخمد، وانطمّ

بلكي الحلم يقدر يشيل الهمّ

إبنك أبوك ..

يا صاحبي ظاع العُمُر

كلّ اللي مش مثلك على راس العَلَم

وانت الوحيد اللي ع أشجار الوهم ملتمّ

روح انخمد، وانطمّ