م فيش في القلب غير صوتها
برغم الهجر وسكوتها
منيش ناسي ومش هانسى
مع انها بتنسى ميعادي
بقول معليشّ دا عادي
ده وحده الرّب م بينسى
ولمّا بغيب م تسألشي
تعدّي دهور ولا تقولشي
يَ غايب متّ أو لسّه
ولمّا الصّدفة تجمعنا
واقول كلمة لها معنى
بتفضل ساكتة وبتقسى
دموعي ياما شالتها
عن خدودي بلمستها
ولسّه بحسّ باللمسة
”بحبّك“ ياما قالتها
ببسمتها ودمعتها
ولمّا اسألها: ”بتحبّيني؟“
بتجاوبني في همسة:
”يَ نوري .. لسّه عندك شك؟“
وما أحلاها من همسة
م فيش في القلب غير صوتِك
برغم الهجر وسكوتِك
منيش ناسي ومش هانسى
